Cudesch penal svizzer (CPS)

Art. 248 Falsificaziun da mesiras e da pais

Falsificaziun da mesiras e da pais

Tgi che plazzescha, per intents d’engion, en il commerzi ed en relaziuns da fatschenta

vi da mesiras, vi da pais, vi da stadairas u vi d’auters instruments da mesiraziun in segn da bullaziun fauss u falsifitgescha in segn da bullaziun existent,

tgi che fa midadas vi da mesiras, vi da pais, vi da stadairas u vi d’auters instruments da mesiraziun,

tgi che dovra mesiras, pais, stadairas u auters instruments da mesiraziun fauss u falsifitgads,

vegn chastià cun in chasti da detenziun fin a 5 onns u cun in chasti pecuniar.