Lescha federala davart la prevenziun professiunala per vegls, survivents ed invaliditad (LPP)

Art. 24¹Autezza da la renta

¹ La persuna assicurada ha il dretg:

a.

d’ina renta d’invaliditad entira, sch’ella ha in grad d’invaliditad d’almain 70 pertschient en il senn da la AI;

b.

da trais quarts d’ina renta d’invaliditad, sch’ella ha in grad d’invaliditad d’almain 60 pertschient;

c.

d’ina mesa renta d’invaliditad, sch’ella ha in grad d’invaliditad d’almain 50 pertschient;

d.

d’in quart d’ina renta d’invaliditad, sch’ella ha in grad d’invaliditad d’almain 40 pertschient.

² La renta d’invaliditad vegn calculada tenor la medema tariffa da conversiun sco la renta da vegliadetgna al 65. onn da vegliadetgna². Per las persunas assicuradas da la generaziun transitorica vala la tariffa da conversiun fixada dal Cussegl federal tenor la litera b da las disposiziuns transitoricas da la 1. revisiun da la LPP dals 3 d’october 2003.

³ Il dabun da vegliadetgna ch’è decisiv per la calculaziun consista:

a.

dal dabun da vegliadetgna che la persuna assicurada ha acquistà fin al cumenzament dal dretg sin la renta d’invaliditad;

b.

da la summa da las bunificaziuns da vegliadetgna per ils onns che mancan fin a la vegliadetgna ordinaria da renta, senza tschains.

⁴ Questas bunificaziuns da vegliadetgna vegnan calculadas sin basa dal salari coordinà da la persuna assicurada durant ses ultim onn d’assicuranza tar l’instituziun da prevenziun.

⁵ La renta d’invaliditad vegn adattada, sch’ina summa tenor l’artitgel 124 alinea 1 CCS³ vegn transferida en il rom d’ina cumpensaziun da la prevenziun professiunala. Il Cussegl federal regla la calculaziun da l’adattaziun.⁴

¹ Versiun tenor la cifra I da la LF dals 3 d’oct. 2003 (1. revisiun da la LPP), en vigur dapi il 1. da schan. 2005 (AS 2004 1677; BBl 2000 2637). Guardar er las disposiziuns transitoricas da la midada dals 3 d’oct. 2003 a la fin da quest decret.
² Dapi il 1. da schan. 2005: vegliadetgna da renta 64 per dunnas (art. 62a al. 2 lit. c da l’O dals 18 d’avr. 1984 davart la prevenziun professiunala per vegls, survivents ed invaliditad en la versiun da la midada dals 18 d’avust 2004 – AS 2004 4279 4653).
³ SR 210
⁴ Integrà tras la cifra 4 da l’agiunta da la LF dals 19 da zer. 2015 (cumpensaziun da la prevenziun professiunala en cas da divorzi), en vigur dapi il 1. da schan. 2017 (AS 2016 2313; BBl 2013 4887).