Cudesch penal svizzer (CPS)

Art. 168 3. Crims u delicts da concurs e da scussiun. / Corrupziun en cas d’execuziun sfurzada

Corrupziun en cas d’execuziun sfurzada

¹ Tgi che conceda u garantescha ad in creditur u a ses represchentant avantatgs spezials per survegnir sia vusch en la radunanza dals crediturs u en la giunta dals crediturs u per cuntanscher ses consentiment per in concordat giudizial u sia refusa d’in tal concordat, vegn chastià cun in chasti da detenziun fin a 3 onns u cun in chasti pecuniar.

² Tgi che conceda u garantescha ad in administratur da concurs, ad in commember da l’administraziun da concurs, al curatur u al liquidatur avantatgs spezials per influenzar sias decisiuns, vegn chastià cun in chasti da detenziun fin a 3 onns u cun in chasti pecuniar.

³ Tgi che sa lascha conceder u garantir tals avantatgs, vegn chastià cun il medem chasti.