Cudesch civil svizzer (CCS)

Art. 166 F. Represchentanza da la cuminanza conjugala

F. Represchentanza da la cuminanza conjugala

¹ Durant la vita cuminaivla represchenta mintga consort la cuminanza conjugala per ils basegns currents da la famiglia.

² Per ils auters basegns da la famiglia po in consort represchentar la cuminanza conjugala mo:

1.

sch’el è vegnì autorisà latiers da l’auter consort u dal derschader;

2.

sche l’interess da la cuminanza conjugala na tolerescha nagina suspensiun da l’affar e l’auter consort na po betg dar ses consentiment pervia da malsogna, pervia d’absenza u per motivs sumegliants.

³ Mintga consort s’oblighescha persunalmain tras ses acts ed el oblighescha solidaricamain er l’auter consort, uschenavant che ses acts na surpassan betg l’autorisaziun da represchentanza en moda vesaivla per terzas persunas.