Lescha federala davart la prevenziun professiunala per vegls, survivents ed invaliditad (LPP)

Art. 15¹Dabun da vegliadetgna

¹ Il dabun da vegliadetgna sa cumpona:

a.

da las bunificaziuns da vegliadetgna inclusiv ils tschains per il temp, durant il qual la persuna assicurada ha appartegnì a l’instituziun da prevenziun u maximalmain fin ch’ella ha cuntanschì la vegliadetgna ordinaria da renta;

b.

dals dabuns da vegliadetgna inclusiv ils tschains ch’èn vegnids pajads da las instituziuns precedentas e bunifitgads a la persuna assicurada;

c.²

da las restituziuns da retratgas anticipadas tenor l’artitgel 30d alinea 6;

d.³

da las summas ch’èn vegnidas pajadas e bunifitgadas en il rom d’ina cumpensaziun da la prevenziun professiunala tenor l’artitgel 22c alinea 2 LFLP⁴;

e.⁵

da las summas ch’èn vegnidas bunifitgadas en il rom d’in reacquist tenor l’artitgel 22c alinea 1 LFLP.

² Il Cussegl federal fixescha il tschains minimal. En quest connex resguarda el il svilup da la rendita d’investiziuns usitadas sin il martgà, en spezial da las obligaziuns da la Confederaziun, e supplementarmain da las aczias, dals emprests e da las immobiglias.⁶

³ Il Cussegl federal controllescha almain mintga 2 onns la tariffa da tschains minimala. Per quest intent consultescha el la Cumissiun federala per la prevenziun professiunala ed ils partenaris socials.

⁴ El regla la fixaziun da la part dal dabun da vegliadetgna cumpareglià cun l’entir dabun da prevenziun en cas, nua che questa part na po betg pli vegnir eruida.⁷

¹ Versiun tenor la cifra I da la LF dals 3 d’oct. 2003 (1. revisiun da la LPP), en vigur dapi il 1. da schan. 2005 (AS 2004 1677; BBl 2000 2637).
² Integrà tras la cifra 4 da l’agiunta da la LF dals 19 da zer. 2015 (cumpensaziun da la prevenziun professiunala en cas da divorzi), en vigur dapi il 1. da schan. 2017 (AS 2016 2313; BBl 2013 4887).
³ Integrà tras la cifra 4 da l’agiunta da la LF dals 19 da zer. 2015 (cumpensaziun da la prevenziun professiunala en cas da divorzi), en vigur dapi il 1. da schan. 2017 (AS 2016 2313; BBl 2013 4887).
⁴ SR 831.42
⁵ Integrà tras la cifra 4 da l’agiunta da la LF dals 19 da zer. 2015 (cumpensaziun da la prevenziun professiunala en cas da divorzi), en vigur dapi il 1. da schan. 2017 (AS 2016 2313; BBl 2013 4887).
⁶ Guardar er las disposiziuns transitoricas da la midada dals 17 da dec. 2010 a la fin da quest text.
⁷ Integrà tras la cifra 4 da l’agiunta da la LF dals 19 da zer. 2015 (cumpensaziun da la prevenziun professiunala en cas da divorzi), en vigur dapi il 1. da schan. 2017 (AS 2016 2313; BBl 2013 4887).