Lescha federala davart las persunas estras e l’integraziun (LEI)

Art. 128 Referendum ed entrada en vigur

¹ Questa lescha è suttamessa al referendum facultativ.

² Il Cussegl federal fixescha l’entrada en vigur.

Entrada en vigur: 1. da schaner 2008²² Art. 92-95 e 127: 12 da december 2008²³

¹ Per las proceduras ch’èn pendentas il mument da l’entrada en vigur da la midada dals 14 da december 2012 da questa lescha vala il dretg nov cun excepziun da l’alinea 2.

² Per las proceduras ch’èn pendentas il mument da l’entrada en vigur da la midada dals 14 da december 2012 da questa lescha n’è l’artitgel 83 alineas 5 e 5^bis da questa lescha betg applitgabel.

³ Ils gestiunaris da plazzas aviaticas èn responsabels per metter a disposiziun ils alloschis sin las plazzas aviaticas tenor l’artitgel 95a entaifer 2 onns suenter l’entrada en vigur da la midada dals 14 da december 2012 da questa lescha.