Lescha federala davart la procedura administrativa (PA)

Art. 10

¹ Persunas che ston prender u preparar ina disposiziun, prendan recusa­ziun, sch’ellas:

a.

han in interess persunal en la chaussa;

b.²⁷

èn colliadas cun ina partida tras lètg u tras partenadi registrà ubain mainan facticamain ina communitad da vita cun ina partida;

b^bis.²⁸

èn parentas u quinadas en lingia directa u en lingia laterala fin al terz grad cun la partida;

c.

represchentan ina partida ubain èn stadas activas per ina partida en la medema chaussa;

d.

pudessan esser implitgadas per auters motivs en la chaussa.

² Sche la recusaziun è dispitaivla, decida l’autoritad da surveglianza en chaussa, sch’i sa tracta da la recusaziun d’in commember d’ina autori­tad colleghiala, decida questa autoritad cun exclusiun dal commember pertutgà.

²⁷ Versiun tenor la cifra 5 da l’agiunta da la LF dals 18 da zer. 2004 davart il partenadi registrà da pèrs da la medema schlattaina, en vigur dapi il 1. da schan. 2007 (AS 2005 5685; BBl 2003 1288).

²⁸ Integrà tras la cifra 5 da l’agiunta da la LF dals 18 da zer. 2004 davart il partenadi registrà da pèrs da la medema schlattaina, en vigur dapi il 1. da schan. 2007 (AS 2005 5685; BBl 2003 1288).

²⁹ Versiun tenor la cifra 3 da l’agiunta da la LF dals 4 d’oct. 1991, en vigur dapi ils 15 da favr. 1992 (AS 1992 288 337 art. 2 al. 1 lit. b; BBl 1991 II 465).